هروب ابليس من العالم العربي

مراااااااااااااااااااااااااحب للكل

كان في‏غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت‏استقالته موقّعة ومختومة حسب الأصول, وبجوارها تقبع ون-واي تيكت إلى جزر‏القمر.
‏كانت ملامح وجهه في تلك اللحظات تنطق بالحزن, ‏الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست‏بالقريبة, واعترافٍ بالعجز والفشل.
‏إبليس راحلٌ عن بلادنا إلى غير‏رجعة... فليفرح المؤمنون...

- ‏وين يامسهّل؟ ليش عم بتضبّ‏اغراضك؟
- ‏يازلمة ماضلّلي قعدة عندكون إلي سنين عاطل عن العمل وقرّبت أموت من‏الجوع.. بلاقي معك سيجارة ياخاي؟
مو نافع معكون لا وسواس ولا خنّاس! كنت‏زمان بوسوس للوحدة تترك ابنها يعيّط وهي بتحكي مع جاراتها, يا زلمة صاروا لحالهون يرموا‏اولادون في الحاوية أوّل مايجوا!
‏كنت أوسوس للواحد ينسى يسمّي بالله قبل‏ماياكل, يا زلمة بطّل حدا لاقي شي ياكله!
يازلمة إذا أنا إبليس تسمّمت‏بالشاورما!
‏كنت كمان بوسوس للشب يرميله كلمة ع البنت وهي ماشية‏بالشارع, صاروا البنات يلطشوا ع الشباب بكلام أنا نفسي بستحي‏أحكيه!‏ إنتو بدّكون إبليس‏إنتو؟!
‏صار عندكون فائض في الفساد بكفّي 30 سنة لقدّام, صرت أخاف على حالي‏منكون!
‏يازلمة مرّات بضطرّ أوسوس بالمقلوب وأقول للمسؤول إرحم وللحرامي‏بكفّي خلّي شويّ للحراميّة اللي رح ييجوا‏بعدك!
‏يعني إذا إنتو لحالكون بتعملوا كل هالبلاوي, أنا إبليس شو‏بدي اعمل؟ أشتغل شوفير تكسي يعني ولاّ أفتح صالون حلاقة؟ ماضلّ غير أقدّم للأوقاف ‏يعيّنوني واعظ أو إمام جامع!

Very Happy

.
.
.
.
.
.
Om@r

هههههههههههههههههههههههههههههههه
تسلملي يا عمر عهلموضوع فعلا شو بدو يعمل ابليس عنا قلو يجي يشتغل بلمنتدى اذا ما كان عندو شغلة هههههههههههههههههههههههههههه

اعوذ بالله من الشيطان الرجيم

والله يا عمر انت حطيت على الجرح ملح
للاسف هاد هو وضعنا الحالي وا اسلاماه !!!!!!!!!!!!

الله يهدينا ويصلحنا وحسبنا الله ونعم الوكيل

شكرا عمر الفكرة وصلت

سلامي واحترامي

الله يبعد عنا الجروووووووووووووووح

بس هاد حال الدنيـــــــــــــــــــا ....... للأسف

شكرا إلك سيمووووو وكمان أبوحلب

ع مروركم الرائع منوووووورين والله

.
.
.
.
.
.
Om@r