صراحه سؤال شدنى فى احدى المنتديات اتمنى الرد على بليييييييييييز؟؟؟

]مشكوووووووووووووووور على سؤال الحلو كثير

انا برايي ما في فرق بين الاثنين وما في شي اسمو حب نت و حب واقع لانو الحب هو نفس حب
وقبل كل شي الحب مشاعر و احاسيس بكل حالاته بس لما مثلا يكون في شخص بيحكى انو الحب على النت مستحيل مو قصة مستحيل بس القصة شو عقبات الي راح توقف بطريقهم بعد هاد الحب مثلا لما يكون الاثنين الي بحبو بعض كل واحد من دولة او الاهل ما بتقبلو هاد الفكرة او ... او ....أو ......او .... الخ.
اذن المشكلة هون مو من الاشخاص الي بيحبو بعض على النت بالعكس يمكن يكونو كثير متفاهمين مع بعضهم بس في شي بيوقف بطريقهم او بطريق هاد الحب

في قصص بتنجح عن طريق الحب على النت و بتنهي بزواج بس قليل وصعب كثير قصص النت تستمر وصعب كمان انو احكى بمثالية كلنا عايشين بمجتمع و عرفنا تفكرو و عاداته

راح احكيلك عن حالي مثلا يمكن احب شب من سوريا وهو كمان بحبني اوك و كملنا مع بعض بس عرفنا انو قصتنا ما راح تنهي مثل اي نهاية طبيعة او مثل نهاية اي الاثنين بيحبو بعض لكثير اسباب
اول شي كلنا بنعرف انو اهل سوريا ما فيهم يدخلو فلسطين ونفس شي العكس يمكن حالة اسثتناء انو فلسطيني يروح على سوريا وثاني شي انا شخصيا اهلي ما راح يوفقو على علاقتي بهاد الشب لانو عن طريق النت ومهما حكيت اني راح ادفع عن حبي و واقف بوجه اهلي اكيد ما راح يقتنعو رغم انهم كلهن متعلمين ما راح احكى اكثر من هادو السببين انو عنجد هنن الي بحددو نهاية العلاقة قبل ما تبدأ بس اكيد راح اضل احبو لهاد شب و حتى لو كنت معرضة الفكرة علاقتنا بس مو لاني ما بحبو بالعكس لاني بحبو بفضل انو ما نكمل مع بعض لحتى ما حدا يجرح الثاني و يتركو بعد ما نتعلق ببعض يعني ( نحنا مو عايشين بالدنيا لحالنا و في ظروف بتحكمنا )
وكل شي قسمة و نصيب بالاول وبالاخير

عندي كلمة الاخيرة راح احكيلها الحب بقلب اكيد مو بعقل بس النهاية الحب بعقل مو بقلب !!!!!!!!!!!

باتمنى اكون وصلت الفكرة و جوابت على سؤالك مزبوط
هاد رايي شخصي واكيد الاراء راح تختلف بين اعضاء
يسلموووووووووووووو ايديك
متاسفة على ردي الطويل
مع حبي رؤى[/b]