فلسطيني
علي طول الزمان باقي .. فلسطيني
بدمي بارضي بولادي ..فلسطيني
برغم الظلم والجبروت .. فلسطيني
هقولها ولو حاصرني الموت.. فلسطيني
بقولها في وش كل الناس.. فلسطيني
بقولها ياميتي الاحساس .. فلسطيني
وانا حر.. فلسطيني
وانا مسجون فلسطيني
وانا مدفون.. فلسطيني
فلسطيني وجوه بلادي متغرب ومتحاصر
ومستغرب . سكاتكم ياعرب ماله
مالوش اخر
وقفتم ياعرب تماثيل
وقولتم مابايدنا بديل
لمين هنروح؟
وسيبتوني ماليني جروح
دفنتوني في سجن من الالم . جبار
وسجاني مكفني ف حديد من نار
نهب سجاني خير ارضي
وبيعني الولد والدار
فلسطيني
فلسطيني برغم القصف والصواريخ
فلسطيني ولو هيغيروا التاريخ
فلسطيني ونهر الدم مش واقف
فلسطيني بنادي بس مش خايف
فلسطيني وصابر والله علي حالي
ولاقول الصبر
فين اخرك
يقولي الصبر مش عارف
فلسطيني
فلسطيني ليوم الدين
فلسطيني بتاريخ حطين
برغم الجوع
ورغم انه مالينا رجوع
راح افضل ياعرب صامد
هكون بركان لكن خامد
لحد ماييجي ويثور علي العدوان
يدوقله العذاب الوان
واعود تاني
واكرر واقول
فلسطيني
علي طول الزمان باقي فلسطيني
بدمي بارضي بولادي فلسطيني
برغم الظبم والجبروت فلسطيني
بقولها لكم بعلو الصوت
فلسطيني
فلسطيني
فلسطيني
_________________
غريبه قصه الدمعه وهي تغسل جفون العين .. تريح جفن باكيها مع انها قمه احزانه
