***(منتدى جيل التحدي)***
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

 

 قصة باصاتنا ...................

اذهب الى الأسفل 
2 مشترك
كاتب الموضوعرسالة
Monther
عضو نشيط
عضو نشيط
Monther


ذكر عدد الرسائل : 25
العمر : 36
البلد : قصة باصاتنا ................... 974356654
تاريخ التسجيل : 20/07/2008

قصة باصاتنا ................... Empty
مُساهمةموضوع: قصة باصاتنا ...................   قصة باصاتنا ................... Emptyالأحد يوليو 20, 2008 2:07 pm

قصة باصاتنا ...

________________________________________


تقريبا ... لا يوجد احد من بيننا لم يستعمل يوما المواصلات العامه .....


عندما تجلس في الباص .... توقع ان يجلس بجانبك أي شخص
قد تجلس بجانب طبيب ، مزارع ، مهندس ، طالب عادي ، شخص امي ....
او قد تجلس بجانب استاذ جامعي ...
كل شيء ممكن في الباص .... الناس سواسيه ....


مرات ما بيكون جاي ع بالك تحكي ...
بس اللي جنبك فجأه بينطلق لسانه .... وانت بتبتسم ببرود وبينك وبين حالك ..
ولك اسكت يا .........
هذا فيما لو جلست ... لانه كثيرا من الاوقات بتكون في الباص عالواقف ...
طبعا اذا كنت بنت فليس من الممكن انك تطلع بالباص عالواقف .... ليش ؟؟
والله مش لانه الشباب نخوجيه .... غالبا لانه بيكون الكونترول عضلنجي والله معطيه الصحه
مجرد ما يجحرك ... قوم ابو الشباب قعد البنت
بتلاقي نفسك قايم وبكل صدر رحب ....


عشان هيك لما أي شب يطلع يقعد بالباص بيحاول يقعد بمكان صعب أي بنت تقومه فيه ...


مثلا بقعد على البسطه ورا الشوفير ... او بالكرسي الخلفي مع اربع شباب ...
او الكرسي اللي جنب الشوفير ... هيك بيكون استمتع بالرحله ... ولا بنت ابوها بتقومه ؟؟


السؤال اللي بطرحه اغلب الشباب بينهم وبين حالهم ... وهمه بيصروا على سنانهم من القهر بس مش قادرين يحكوا لانه الكونترول معلم بوجهه موس من الذان للشفه .
السؤال هو : يا ابن الحرام ما انت شايف الباص مليان ليش بتطلع بنات ... عشان تقعدها مكاني ....


هاي المشكله
اللي مش راح تنتهي ..

طبعا هذا انسى المشاكل والواحد واقف ..


يعني اذا الباص لف كوربه محترمه بتلاقي المسكين بيترتح باي اشي عشان ما يوقع ...
واذا دعس بريك فجأه ... يا بتوقع على الارض يا بحضن الكونترول ..!!!!!


ومرات بتكون واقف ... بتبلش تتعود على الوقفه ... بتستقر امورك .. وبتبدا تحاول تستمتع ...


فجأه بتسمع صياح الشوفير ... : دوريه اقعد اقعد يا ابو الجوكيت البني .... نزل راسك ...
بتضطر انك تقرمز وتوطي راسك كانك عامل عمله ...


وكل ما بده واحد ينزل لازم تنزل معو ع بين ما ينزل وترجع تطلع مره ثانيه ...
ومرات بس تنزل بيكون واحد بده يطلع وفعلا بطلع قبلك وبيقعد عالكرسي اللي فضي ....
بس ما بتقدر تفتح ثمك ....


وكلو كوم ولما يبلش الشوفير والكونترول يسولفو مع بعض ويعرطو كوم ....
حجم هائل من الزناخه ما بتلاقيه بالمحيط الاطلسي ....


واشي انا مستغرب منو ... الاغاني اللي بيحطوها الشوفيريه بالباصات ....

من وين بيجيبوها ؟؟؟


يعني يا بيحط ربابه وواحد بيجاعر .....
يا اغنيه من سنة الف وتسعميه وخشبه .... من الاغاني اللي كان يسمعها خفرع ومنقرع ..


وغير هيك السباقات اللي بتصير بين الشوفيريه ....
يعني الشوفير مستعد يشطب 25 واحد عشان راكب بتلات وعشرين قرش ...


وفيه نكته عالموضوع بتحكي انه فيه شوفيريه باصات ثنين بتسابقوا . اللي قدام شاف راكب
صار يفكر ... اذا وقفتله اللي وراي بسبقني عالمجمع وبيحمل قبلي
واذا ما وقفتله اللي وراي بوقفله وهو اللي بوخذ البريزه ... شو اعمل شو اعمل ؟؟
احسن حل ادعسه ... وعننننننننننن ...... اخبط !!!!!



بتركيا ... كان كل خمس دقائق ييجي باص ...
كنت اشتري بطاقه بتسمح لي اركب عشر مرات ... كنت اركب واختم البطاقه

اقعد بمكاني ... ما فيه لا كونترول ولا حدا بيصيح .. فيه سوفت ميوزيك ..
الشوفير لا بحكي معك ولا بتحكي معو ...


بينزل بمحطات معينه .... الباص نظيف من جوا ومستحيل تتعدى سرعته ستين وما بيطلع عن السايد تبعو وما بيتجاوز
واحلى اشي انك لما تنزل من الباص الشوفير بيستناك لما تنزل ويسكر الباب وبعدين بيمشي .. مش زي عنا بتلاقي راسك برا واجرك جوا والباص ماشي وانت يا بتكون قد حالك وبتطلع .. يا اما على صباحك ...


وبامريكا نفس النظام .. بس هناك انه لما تنزل من الباص بيبتسملك الشوفير ابتسامه عريضه
وبيقولك ثانك يو فيري ماتش ... هاف ا نايس داي ..


سبحان الله ... زي شوفيريتنا بالزبط ... : يالله انزل وله


غير المدافشه ربع ساعه قبل ما تطلع بالازمه.... واذا ما فيه ازمه استنى نص ساعه عبين ما يعبي الباص ... وزلمه افتح ثمك واحكي مستعجل ...


على كل حال....

فيه رب كبير.... وكل ظالم اله يوم....

Mad Mad س19
الرجوع الى أعلى الصفحة اذهب الى الأسفل
ابو حلب
المشرف العام
المشرف العام
ابو حلب


ذكر عدد الرسائل : 133
العمر : 35
الهوايات : كرة القدم ( اي رياضة ) القراءة الطبخ
المزاج : قصة باصاتنا ................... Anafar10
تاريخ التسجيل : 12/07/2008

قصة باصاتنا ................... Empty
مُساهمةموضوع: رد: قصة باصاتنا ...................   قصة باصاتنا ................... Emptyالإثنين يوليو 21, 2008 3:39 am

هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه

جد روعة قصة حلوة كتير كتير قال مستعجل قال ههه

معلش الله يعين
والتكاسي على العنين


بس بيني وبينك احسن من المشي


شكرا منذر جد ضحكتني كتير


سلامي واحترامي
الرجوع الى أعلى الصفحة اذهب الى الأسفل
 
قصة باصاتنا ...................
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
***(منتدى جيل التحدي)*** :: الســــــــاحة الترفيـــــهية :: نكتـــــة وضحكة ...-
انتقل الى: